ریاست بہار کے ضلع ارریہ نگر تھانہ علاقے میں ایک شخص نے اپنا گھر گوری رکھ کر بینک آف بروڈا سے لون لیا تھا لون ادا نہیں کیے جانے کی صورت میں بینک نے گروی رکھے گئے گھر کو اپنے قبضے میں لے لیا اور گھر کو سیل کر دیا۔
بینک آف بڑودہ کے ریجنل افسر مہانند ساگر نے بتایا کہ لون لینے والا ارریہ شہر کے وارڈ نمبر 13 کھریا بستی باشندہ اکھلیش کمار جھا ولد ہری لال جھا ہے جنہوں نے اپنے مکان کو بینک میں گروی رکھتے ہوئے روزگار لون کے تحت گیارہ لاکھ روپے کا لون لیا تھا۔
جو 2015 میں ہی اس کا این پی اے ہو گیا تھا، لون ادائیگی کا وقت پورا ہونے پر اسے 2015 سے ہی نوٹس کیا جا رہا تھا کہ وہ لون کی ادائیگی کرے ورنہ ان کے خلاف کارروائی کی جائے گی، مگر قرض دار کی جانب سے ہمیں کوئی اطلاع نہیں دی جا رہی تھی جس بنا پر بینک نے سخت قدم اٹھاتے ہوئے اس کے گھر کو سیل کر دیا ہے۔
ریجنل افسر مہانند ساگر نے کہا کہ جب تک ان کی طرف سے لون کی پوری ادائیگی نہیں ہو جاتی تب تک یہ گھر سیل رہے گا، اس کے اندر کوئی داخل نہیں ہو سکے گا، اس موقع پر برانچ مینیجر رنجن کمار، مہتو یادو ، مجسٹریٹ دیپک کمار، ابھیشک جھا، محمد قدوس، روپا جھا کے علاوہ دوجن پولس اہلکار موجود تھے۔
