اس کانفرنس میں علماء نے قرآن کی عظمت و حرمت، عزت و احترام، تقدس و پاکیزگی، عقیدت و محبت پر روشنی ڈالی۔
کانفرنس میں جمیعت العلماء (بہار) کے نائب صدر قاری فتح اللہ قدوسی نے خطاب میں کہا کہ 'پوری دنیا کے مسلمان ہمیشہ سے قرآن پاک کی عظمت و تقدس اپنے دلوں میں محفوظ کئے ہوئے ہیں اس لیے جب بھی قرآن کے خلاف کوئی سازش کی جاتی ہے تو مسلمان اس کے خلاف کھڑے ہوجاتے ہیں۔
انہوں نے کہا کہ' افسوس کا مقام ہے کہ ذاتی مفاد اور سیاسی دوستوں کو خوش کرنے کی غرض سے ایک شخص نے ہرزہ سرائی کرتے ہوئے مسلمانوں کے جذبات مجروح کئے ہیں۔
اس کے علاوہ مفتی سعید الرحمان قاسمی (قاضی، امارت شرعیہ پھلواری شریف، پٹنہ) نے کہا کہ قرآن کے احکامات دو طرح کے ہیں ایک عمومی اور نارمل حالات کےلیے جبکہ دوسرا ہنگامی اور مجبوری کے حالات کے ہیں. قرآن کی جن آیات مقدس پر بعض لوگوں کو اعتراض ہے وہ اس اضطراری حالات کی آیات ہیں۔ لہذا معترضین کی باتوں سے متاثر نہیں ہونا چاہیے۔
مولانا عظمت اللہ ندوی نے کہا کہ 'اس کانفرنس میں بیرون و مقامی علماء کرام نے خطاب کیا اور قرآن و حدیث کی اہإیت اجاگر کی۔
انہوں نے بتایا کہ پانچ طلباء نے حفظ حافظ قرآن مکمل کیا۔ گزشتہ برس لاک ڈاون کے دوران چند طلباء مدرسہ میں ہی تھے اور ان کی تعلیم و تربیت جاری تھی۔
