گزشتہ تقریباً ایک ماہ سے ریاست بہار میں سیلاب سے بڑے پیمانے پر نقصان ہوا ہے جس کی وجہ سے لاکھوں افراد بے گھر ہوگئے ہیں اور حکومتی امداد کے منتظر ہیں۔
بہار کے نائب وزیراعلیٰ سشیل کمار مودی نے بتایا کہ 'امیتابھ بچن نے اپنے نمائندہ وجے ناتھ مشرا کے توسط سے ریاست کے سیلاب متاثرین کی امداد کے لیے وزیراعلیٰ ریلیف فنڈ میں 51 لاکھ روپے کا چیک سونپا ہے۔'
اسی کے ساتھ بگ بی کی جانب سے چار اکتو بر کو وزیراعلیٰ نتیش کمار کو لکھا گیا خط جاری کیا گیا جس میں بگ بی نے کہا کہ 'بہار میں آئی قدرتی آفات سے میں حیرت زدہ ہوں، اس مصیبت میں پھنسے لوگوں کی صورتحال سے میں بہت رنجیدہ ہوں اور متاثرین کی مدد کے لیے چھوٹا سا حصہ وزیراعلیٰ ریلیف فنڈ کے لیے بھیج رہا ہوں۔'
امیتابھ بچن نے مزید کہا کہ 'نتیش کمار جی، ہم نے بہار کے وزیر اعلیٰ ریلیف فنڈ میں عطیہ کرنے کی اپیل اپنے ٹیلی ویژن پروگرام کون بنے گا کروڑ پتی میں بھی کی ہے۔'
