پولپس ذرائع نے یہاں بتایا کہ ادونت نگر تھانہ علاقہ کے بیلور گاؤں میں کھیت میں کام کرنے کے دوران ہونے والی شدید بارش سے بچنے کے لئے تین لوگ ایک درخت کے نیچے جمع ہوگئے، اسی وقت گرج کے ساتھ آسمانی بجلی گرنے سے تینوں لوگوں کی جھلس کر موت ہوگئی۔ مہلوکین کی شناخت بیلور گاؤں کے باشندے رجنیش رائے، کوئلور کے بیرم پور گاؤں کے بچن پاسوان اور تیسرے پاونہ تھانہ علاقے کھوپیرا ٹولہ کے باشندے کے طور پر ہوئی ہے۔
دریں اثناء، مفصل تھانہ علاقہ کے چندا گاؤں میں چار افراد آسمانی بجلی کی زد میں آ گئے۔ ان میں سے شدید طورپر جھلسنے والے انجے کمار ساہو کو صدر اسپتال لایا گیا، جہاں علاج کے دوران اس کی موت ہوگئی۔
اسی طرح آسمانی بجلی کی زد میں آنے سے کسمہا ٹولہ کے باشندے کملیش سنگھ کا 14 سالہ بیٹا ابھیشیک کمار، کھیڑی گاؤں کا 15 سالہ منیش کمار اور ببھن گاؤں کے باشندے امرجیت یادو کی بھی موت ہوگئی۔ اس طرح ضلع میں آسمانی بجلی گرنے سے جہاں سات افراد ہلاک ہوگئے، وہیں آٹھ افراد زخمی ہوگئے۔
