بہار کی 10 جماعتوں پر مشتمل آل پارٹی کمیٹی نے 23 اگست کو وزیراعظم سے ملاقات کا اعلان کیا ہے جس کی صدارت وزیراعلیٰ نتیش کمار کریں گے۔ کمیٹی کی جانب سے ذات پر مبنی مردم شماری کا وزیراعظم نریندر مودی سے مطالبہ کیا جائے گا۔
وفد میں بی جے پی کے وزیر جنک رام اور قائد حزب اختلاف تیجسوی یادو بھی شامل ہوں گے۔ نتیش کمار نے ہفتہ کو ایک بار پھر اس بات کو دہرایا کہ ذات پر مبنی مردم شماری کی جانی چاہئے جبکہ بہار کے علاوہ دیگر ریاستوں میں بھی اس کی مانگ کی جارہی ہے۔
وزیراعلیٰ سے جب میڈیا کے نمائندہ نے پوچھا کہ ذات پر مبنی مردم شماری کے لیے اگر مرکز متفق نہیں ہوگا تو پھر آپ کا موقف کیا ہوگا؟ اس کے جواب میں وزیر اعلیٰ نے کہا کہ یہ بعد کی بات ہے، اگر ایسا ہوتا ہے تو سب سے مشاورت کرکے لائحہ عمل تیار کیا جائے گا۔
مزید پڑھیں:
اس سے قبل سی ایم نتیش کمار نے ایک ٹویٹ کے ذریعے جانکاری دی تھی کہ بہار کا ایک وفد ذات پر مبنی مردم شماری کرانے کے لیے وزیراعظم سے ملاقات کی درخواست کی تھی جس کے بعد وزیراعظم نے ملاقات کے لیے 23 اگست کا وقت دیا ہے۔
