بہار کے ضلع کیمور کے درگاوتی تھانہ علاقہ کے مہواریہ گاؤں میں دیہی سڑک عبور کرنے کے دوران ایک 12 سالہ بچی پانی کے تیز بہاؤ مین بہہ جانے سے فوت ہوگئی۔
موصولہ اطلاع کے مطابق 12 سالہ گڑیا کماری کسی کام کے لئے گاؤں کے باہر نہر کی طرف جارہی تھی اسی دوران راستے سے گزرنے والی دیہی سڑک پر نہر کا بندھ ٹوٹ کر پانی کافی تیزبہہ رہا تھا۔سڑک پار کرتے وقت پانی کے مضبوط بہاؤ کے وجہ سے بچی بہہ گئی۔
بچی کو بہتا دیکھ کر آس پاس کے لوگ اس کو بچانے کے لئے بھاگے کچھ دور بہہ جانے کے بعد بچی کو پانی سے نکالاگیا لیکن تب تک بچی کی موت ہوگئی تھی۔
بچی کی موت کی وجہ سے کنبہ کے افراد بری طرح غم زدہ ہیں۔
مزید پڑھیں: کیمور: آسمانی بجلی کے زد میں آنے سے ایک خاتون ہلاک
مقامی لوگوں کے مطابق اگر مذکورہ سڑک پر کوئی پل بنایا گیا ہوتا تو یہ واقعہ پیش نہیں آتا اورمقامی لوگوں کو پریشانیوں کا سامنا نہیں ہوتا۔
