کیمور میں 99 کاٹن انگریزی شراب ضبط، ایک گرفتار

بہار کے ضلع کیمور میں پولیس نے ایک پک اپ وین سے 99 کاٹن انگریزی شراب ضبط کیا ہے، ساتھ ہی پولیس نے اسمگلر کو بھی گرفتار کیا ہے۔

پولیس سپرنٹنڈنٹ دلنواز احمد نے بتایاکہ' دیررات یہ اطلاع موصول ہوئی کہ ایک اسکارپیو سے شراب کی بڑی کھیپ لائی جارہی ہے۔ تلاشی مہم کے دوران مشتبہ پک اپ وین کو روک کر تلاشی لی گئی۔ تلاشی کے دوران 99 کاٹن انگریزی شرا ب ضبط کی گئی ہے۔

پولیس سپرنٹنڈنٹ نے بتایاکہ شراب کی کھیپ کے ساتھ کملیش کمار کو گرفتار کیا گیا ہے، جو ضلع کے بھگوان پور تھانہ علاقہ کا رہنے والا ہے۔ لیکن اس کام میں شامل ایک دیگر ملزم اندھیرے کا فائدہ اٹھاکر فرار ہونے میں کامیاب رہا۔ برآمد شراب مدھیہ پردیش کی بنی ہے، جس پر بیچ نمبر درج نہیں ہے ۔ برآمد شراب کی قیمت قریب دس لاکھ روپے بتائی جاتی ہے۔

معاملے کی تفتیش کی جارہی ہے۔