پولیس ذرائع نے آج بتایا کہ اطلاع ملی تھی کہ علاقے میں شراب کی بڑی کھیپ لائی جا رہی ہے۔ معلومات کی تصدیق کے بعد کل دیر رات محمد پور دریا گاﺅں کے نزدیک نیشنل ہائی وے نمبر۔22 پر ایک ٹرک کو روک کر تلاشی لی گئی۔ اس دوران ٹرک پر لدی 380 کارٹن انگریزی شراب برآمد کی گئی۔ حالانکہ ٹرک ڈرائیور اور خلاصی فرار ہو نے میں کامیاب رہا۔
ذرائع نے بتایا کہ برآمد شراب ہریانہ میں تیار کی گئی ہے اور اس کی قیمت قریب 20 لاکھ روپے بتائی جاتی ہے۔ رجسٹریشن نمبر کی بنیاد پر ٹرک مالک کا پتہ لگایا جا رہا ہے۔معلومات ملنے کے بعد اس کے خلاف کاروائی کی جائے گی۔
