اس علاقے میں مسلسل ہونے والی بارش کی وجہ سے بہار کے سمستی پور ضلع کے چار بلاکوں کے تقریباً 25 گاؤں سیلاب سے بری طرح متاثر ہو گئے ہیں۔
بارش کی وجہ سے ضلع میں کوسی، کملا، كریه، باگمتی اور بوڑھی گنڈک ندیوں کے پانی کی سطح میں اضافہ ہو گیا ہے جس سے بتھان، حسن پور، سندھیا اور كليان پور بلاکوں کے تقریباً 25 گاؤں سیلاب سے بری طرح متاثر ہوگئے ہیں۔
ان گاوں کی تقریبا 50 ہزار کی آبادی سیلاب سے متاثر ہوئی اور سینکڑوں ایکڑ زمین میں پھیلی فصلیں تباہ ہو گئی ہیں۔
سیلاب کی وجہ سے پورا گاؤں پانی میں تبدیل ہو گیا ہے۔
دوسری طرف بوڑھی گنڈک ندی میں طغیانی کی وجہ سے سمستی پور ڈویژن کے 200 سے زیادہ گھروں میں سیلاب کا پانی داخل ہو نے سے لوگوں کی معمولات زندگی درہم برہم ہو گئی ہے۔
سیلاب سے متاثرہ علاقوں میں انتظامیہ کی جانب سے راحت اور بچاؤ کا کام جاری ہے۔
دریں اثنا، جنتادل یونائیٹڈ (جے ڈی یو) کے رکن پارلیمنٹ اور بہار کے سابق وزیر رام ناتھ ٹھاکر نے آج سیلاب سے متاثرہ علاقوں کا دورہ کرنے کے بعد سمستی پور میں صحافیوں کو بتایا کہ ضلع کے چھ ڈویژن سیلاب سے بری طرح متاثر ہیں۔
