بہار کے ریاستی وزیر صحت منگل پانڈے نے کہا کہ بہار میں جلد ہی دو سو ہیلتھ ویلنسیس سنٹر کی نئی عمارت Health And Wellness Centers To Be Set Up In Bihar تعمیر ہوگی۔ اس ضمن میں 496 ہیلتھ اینڈ ویلنسیس سنٹروں کی نئی عمارت زیر تعمیر ہے۔ اب تک بہار میں 2328 سنٹر چلایا جا رہے ہے۔ جب ان سبھی سنٹروں کی تعمیر مکمل ہو جائے گی تب بہار میں ان کی تعداد 3024 ہو جائے گی، منگل پانڈے نے کہا کہ ہیلتھ سینٹر کھلنے سے دیہی علاقوں کی آبادی کو پہلے کے مقابلے علاج میں بہتر سہولتیں ملیں گی۔
وزیر صحت نے اپنے دفتر میں صحافیوں سے بات کرتے ہوئے کہا کہ ریاست میں 3 زمروں میں یہ سینٹر چلائے جا رہے ہیں۔
اس میں صحت ذیلی 1181، اضافی پرائمری ہیلتھ سینٹر 1049 اور 98 شہری پرائمری ہیلتھ سینٹر شامل ہیں۔ یہاں بلڈ پریشر، شوگر اور کینسر کی وقت وقت پر اسکریننگ کی سہولت مہیا کرائی جا رہی ہے۔
یہ مرکزی حکومت اور ریاستی حکومت کے مشترکہ منصوبے ہیں، جو صحت کے شعبے میں بہتری لانے میں نئی حصولیابی ہیں۔
پانڈے نے کہا کہ رواں مالی سال میں مرکزی حکومت کے نیشنل ہیلتھ مشن اور ان ایچ ایم کے تعاون سے نئے سینٹرز کی تعمیر ہوگی اس کے لیے رقم کی منظوری بھی مل چکی ہے، ریاستی حکومت کا محکمہ صحت ان کی مانیٹرنگ کر رہا ہے۔
یہ بھی پڑھیں: RJD Criticiz Bihar Government: راشٹریہ جنتا دل کا بہار حکومت پر تنقید
انہوں نے کہا کہ دیہی علاقوں میں چلائے جا رہے ہیں ان سینٹرز پر جو خدمات دی جا رہی ہیں ان میں زچہ صحت، بچہ صحت کے ساتھ ساتھ آر ایم این سی ایچ کے علاوہ دیگر امراض کی اسکریننگ بھی شامل ہیں۔ سینٹرز پر ای سنجیونی کے ذریعے ٹیلی میڈیسین کی سہولتیں بھی دستیاب ہیں۔
