اربن لوکل باڈیز کے ڈائریکٹر نے سوپور کا دورہ کیا

سوپور کے لیے 1000 بلب، 100 سٹریٹ لائٹس اور پانچ واٹر پمپ کی منظوری دی گئی ہے۔ نو منتخب ممبروں نے ڈائریکٹر کا شکریہ ادا کیا۔

شمالی کشمیر کے ضلع بارہمولہ کے قصبہ سوپور کے سب ضلع مجسٹریٹ کے دفتر پر اربن لوکل باڈیز کے ڈائریکٹر ریاض احمد وانی کی صدارت میں ایک میٹنگ منعقد ہوئی۔ میٹنگ میں سوپور میونسپل کونسل کے ایگزیکٹیو آفیسر سمیر جان، محکمہ آر اینڈ بی کے ایگزیکٹیو آفیسر فیاض احمد کار صاحب، چیرمین میونسپل کونسل سوپور عبدالاحد ملہ، نو منتخب ممبر مینونسپل کونسل سوپور مسرت روہی، عرفان علی کے علاوہ باقی ممبران بھی موجود رہے۔

ڈائریکٹر نے سوپور میونسپل حدود کے اندر کلاک ٹاور کے ساتھ ساتھ مختلف مقامات پر کام کاج جائذہ لیا۔ ان کو ہدایت دی کہ کام جلد مکمل کیا جائے۔ مذکورہ ڈائریکٹر نے اس دوران کہا کہ سوپور کے ساتھ گزشتہ کئی برسوں سے مسلسل ترقیاتی کاموں سے محروم رکھا گیا جس سے یہاں کے لوگ انتظامیہ سے خفا ہو چکے ہیں، لیکن آنے والے وقت میں سوپور کو ترقیاتی کاموں سے مالا مال کیا جائے گا۔ میٹنگ کے دوران ریاض احمد وانی نے سوپور ٹاون کے لیے 100 سٹریٹ لائٹس، 1000 بلب، کے ساتھ ساتھ پانی کی نکاسی کے لے پانچ واٹر پمپ بھی منظور کیے۔

اس دوران نو منتخب ممبروں نے بھی ڈائریکٹر کے ساتھ مختلف تبادلہ خیال کیا اور ڈائریکٹر وانی صاحب کا شکریہ ادا کیا۔