ضلع بارہمولہ کے پٹن کے خور شیر آباد علاقے بندوق برداروں نے دن دھاڑے بندوق کی نوک پر جموں کشمیر بینک سے لاکھوں روپیے کی رقم لوٹ لی۔ اس کے علاوہ بندوق بردار سکیورٹی گارڈس کی بندوق بھی لوٹ کر ساتھ لے گئے۔
سرکاری ذرائع نے بتایا کہ جمعرات کو پی پی ای کٹ پہنے تین نامعلوم بندوق بردار جموں و کشمیر بینک کی شیر آباد کھور پٹن شاخ میں داخل ہوئے۔
انہوں نے بتایا کہ اسلحہ برداروں نے نہ صرف بندوق کی نوک پر دو لاکھ 86 ہزار روپے لوٹ لئے بلکہ بینک شاخ کی حفاظت پر مامور محافظ سے اس کی 12 بور رائفل بھی چھین لی۔
ذرائع نے بتایا کہ اسلحہ بردار ایک ماروتی کار میں آئے تھے اور جب وہ بینک لوٹنے کے بعد اپنی گاڑی میں بیٹھ گئے تو گاڑی کی چابی کو گم پایا۔
انہوں نے مزید بتایا: 'وہاں موجود لوگوں نے شور مچایا تو اسلحہ برداروں نے اپنی ماروتی کار وہیں پر چھوڑی اور ایک مقامی شخص سے اس کی گاڑی چھین کر موقع سے رفو چکر ہو گئے'۔
سرکاری ذرائع نے بتایا کہ اسلحہ بردار لٹیروں نے رفو چکر ہونے سے قبل ہوا میں فائرنگ بھی کی۔
انہوں نے بتایا کہ معاملے کی نسبت متعلقہ پولیس تھانے میں مقدمہ درج کر کے تحقیقات شروع کر دی گئی ہیں۔
