بے روزگار نوجوانوں کا روزگار کا مطالبہ

وادی میں ہر روز پڑھے لکھے بیروزگار نوجوانوں کی تعداد میں بتدریج اضافے سے جہاں ان کی ایک بڑی تعداد بیروزگاری کے مسائل سے جوجھ رہی ہے وہیں ایک خاصی تعداد اؤور ایج ہو کر ذہنی تناؤ کا شکار ہو رہے ہیں۔

جموں و کشمیر کے ضلع بارہمولہ سے تعلق رکھنے والے کئی نوجوان ایسے بھی ہیں جنہوں نے سپورٹس کے زمرے میں کئی ڈگریاں حاصل کیں ہیں تاہم سرکار کی جانب سے وہ محکمہ کھیل میں بھرتی ہونے کے منتظر ہیں۔

ان نوجوان کا کہنا ہے کہ گذشتہ حکومتوں نے کئی ایسے نوجوانوں کو محکمہ کھیل میں بحصیت رہبر کھیل تعینات کیا اور ان سے کہا گیا کہ اگلی بار ان کا باظابطہ انٹرویو کرکے انہیں محکمہ میں تعینات کیا جائے گا۔

ان کا کہنا ہے کہ ابھی تک وہ سرکاری اعلان کا انتظار کر رہے ہیں اور ان کا مطالبہ ہے سرکار جلد از جلد اس ضمن میں اقدامات کرے تاکہ ان کی پریشانی دور ہو سکے۔