شمالی کشمیر کے ضلع بارہمولہ میں لائن آف کنٹرول (ایل او سی) کے اوڑی سیکٹر میں واقعہ گوالتہ نامی گاﺅں میں آگ کی ایک واردات میں دو بھائیوں کے رہائشی مکانات خاکستر ہوگئے۔
مقامی ذرائع کے مطابق ہفتے کی صبح گوالتہ اوڑی میں عبدالمجید کے رہائشی مکان میں اچانک آگ نمودار ہوئی اور آگ نے مکان کو چند ہی منٹوں میں اپنی لپیٹ میں لیکر راکھ کے ڈھیرمیں تبدیل کردیا۔
مقامی ذرائع کے مطابق ساتھ ہی عبد المجید کے دوسرے بھائی خادم حسین کا رہائشی مکان تھا جسے آگ نے پھیل کر اپنی لپیٹ میں لیکر خاکستر میں تبدیل کردیا۔ٓ
اگر چہ مقامی لوگ اور پولیس اہلکار جائے موقع پر پہنچے مگر آگ پر قابو نہ پا سکے اور نہ دونوں رہائشی مکانوں میں موجود سامان کو بچاسکے۔
مقامی ذرائع کے مطابق آگ لگنے کی وجہ رسوئی گیس کا خارج ہونا تھا۔ انہو ں نے کہا کہ گوالتہ اوڑی کا یہ علاقہ سڑک سے دور ہے اس لئے بچاﺅ کارروائی کے لئے فائر اینڈ ایمر جنسی سروس کی گاڑی بھی موقعہ پر نہیں پہنچ سکی۔
