بارہمولہ: پولیس ترجمان نے اپنے ایک بیان میں کہا کہ 27 جولائی کے روز اشفاق احمد شیخ ولد غلام محمد شیخ ساکن لوکی پورہ کھاگ نے پولیس اسٹیشن بارہمولہ میں ایک درخواست درج کی جس میں کہا گیا کہ اس کا بھائی اطہر علائی شیخ سال 2022 سے قتل کے الزام میں زیر حراست ہے۔
-
Two extortionists arrested by Baramulla Police for recieving money to get person released from Custody; Case registered & investigation going on.@JmuKmrPolice@KashmirPolice@DIGBaramulla@DCBaramulla@Amod_India@DivyaDev_ips https://t.co/g5KCHnfYEa pic.twitter.com/rzUmvXdchS
— Baramulla Police (بارہمولہ پولیس) (@BaramullaPolice) July 27, 2023 " class="align-text-top noRightClick twitterSection" data="
">Two extortionists arrested by Baramulla Police for recieving money to get person released from Custody; Case registered & investigation going on.@JmuKmrPolice@KashmirPolice@DIGBaramulla@DCBaramulla@Amod_India@DivyaDev_ips https://t.co/g5KCHnfYEa pic.twitter.com/rzUmvXdchS
— Baramulla Police (بارہمولہ پولیس) (@BaramullaPolice) July 27, 2023Two extortionists arrested by Baramulla Police for recieving money to get person released from Custody; Case registered & investigation going on.@JmuKmrPolice@KashmirPolice@DIGBaramulla@DCBaramulla@Amod_India@DivyaDev_ips https://t.co/g5KCHnfYEa pic.twitter.com/rzUmvXdchS
— Baramulla Police (بارہمولہ پولیس) (@BaramullaPolice) July 27, 2023
انہوں نے کہا کہ 'درخواست میں کہا گیا کہ تین افراد عاشق حسین گنائی عرف عاشق ایم ایل اے ولد غلام محمد گنائی ساکن خواجہ باغ بارہمولہ، منظور احمد بٹ ولد علی محمد بٹ ساکن کانلی باغ بارہ مولہ اور عاشق حسین لون ساکن بانڈی پورہ ، جنہوں نے ایک سیاسی جماعت کے ساتھ وابستہ ہونے کا دعویٰ کیا، نے بھائی کو حراست سے رہائی کے لئے پانچ لاکھ روپیہ کا مطالبہ کیا۔
موصوف ترجمان کے مطابق شکایت کنندہ نے بتایا کہ اس نے بھائی کو حراست سے رہا کرانے کے لئے زمین بیچ کر مذکورہ افراد کو پانچ لاکھ روپیہ فراہم کئے، تاہم انہوں نے کام نہیں کیا جس کے بعد درخواست گزار نے ملزمان سے رقم کی واپسی کا مطالبہ کیا۔ملزمان نے شکایت کنندہ سے مزید رقم کا مطالبہ کرتے ہوئے خبردار کیا کہ اگر وہ رقم ادا کرنے سے قاصر رہا تو اسے سنگین نتائج بھگتنے کے لئے تیار رہنا پڑے گا اور یہ کہ زیر حراست بھائی کے خلاف مزید مقدمات درج کرائے جائیں گے۔
تحریری شکایت موصول ہونے کے بعد پولیس نے اس ضمن میں ایف آئی آر زیر نمبر 152زیر دفعات 506,420,384آر پی سی کے تحت کیس درج کرکے مزید تحقیقات شروع کی۔پولیس نے فوری کارروائی عمل میں لا کر دو ملزمان عاشق گنائی عرف عاشق ایم ایل اے (حاضر سروس کونسلر )اور منظور بٹ ساکن بارہ مولہ کو حراست میں لیا ہے۔
پولیس نے تیسرے ملزم عاشق حسین لون کی بڑے پیمانے پر تلاش شروع کی ہے جو گرفتاری سے بچنے کے لئے روپوش ہو گیا ہے۔انہوں نے کہا کہ بارہمولہ پولیس ہر قسم کے کورپشن کی بیخ کنی کے لئے پر عزم ہے۔
مزید پڑھیں: Extortionists Arrested in Srinagar سرینگر میں دو بھتہ خور گرفتار
قابل ذکر ہے کہ یہ بھتہ خوری کا دوسرا ریکیٹ ہے جسے بارہمولہ پولیس نے گزشتہ ایک ماہ میں بے نقاب کیا ہے۔بارہمولہ پولیس نے عوام الناس سے مودبانہ اپیل کی ہے کہ شہری ایسی کسی بھی شکایت کے بارے میں براہ راست ایس ایس پی بارہ مولہ کو فون نمبر 7051000999پر اطلاع دے سکتے ہیں۔
(یو این آئی)