بارہمولہ میں مشتبہ بیگ برآمد

جموں و کشمیر کے ضلع بارہمولہ میں سرینگر اور مظفر نگر قومی شاہراہ پر ایک مشتبہ بیگ برآمد کیا گیا۔ اس بیگ کو سکیورٹی فورسز نے اپنی تحویل میں لے لیا۔

بتایا جاتا ہے کہ اس بیگ سے مشتبہ دھماکو مادہ برآمد کیا گیا اور اسے ناکارہ بنادیا گیا۔

اطلاعات کے مطابق بارہمولہ کے خانپورہ میں آج صبح 9 بجے مشتبہ بیگ کی اطلاع پر قومی شاہراہ کو دو گھنٹوں کے لیے بند کردیا گیا تھا۔

فوج کی 46 ویں آر آر بٹالین اور سی آر پی ایف کی 53 ویں بٹالین کے علاوہ پولیس نے اس علاقہ کو گھیرے میں لے کر آئی ای ڈی مادہ کو ناکارہ بنادیا۔