شمالی کشمیر کے سوپور قصبہ میں اس وقت سراسیمگی کا ماحول پھیل گیا جب پولیس اسٹیشن تارزو میں ایک شخص نے شکایت درج کرائی کہ ان کے گھر سے نقدی کے علاوہ زیورات چرا کر ایک نقب زن فرار ہونے میں کامیاب ہو گیا۔
انہوں نے دعویٰ کیا کہ نقب زن ’جعلی پیر‘ بن کر ان کے گھر میں گھس آیا تھا۔
شکایت موصول ہونے کے بعد پولیس نے سی سی ٹی وی کیمروں کی مدد سے نقب زن کی ایک تصویر مشتہر کرتے ہوئے عوام سے مدد کی اپیل کی ہے۔
سوپور پولیس نے عوام سے ’جعلی پیروں کے فریب‘ سے ہوشیار رہنے کی اپیل کرتے ہوئے مذکورہ نقب زن کا سراغ لگانے میں پولیس کی مدد کرنے کی اپیل کی ہے۔
اس ضمن میں پولیس نے نقب زنی کی واردات انجام دینے والے ’جعلی پیر‘ کو جلد دھر دبوچنے کی یقین دہانی کی ہے۔
