شمالی کشمیر کے ضلع بارہمولہ کے سوپور قصبہ میں واقع رفیع آباد کے دوآبگاہ علاقے میں آج سے دس سال قبل سرکار کی جانب سے پل بنانے کا کام شروع کیا گیا تھا۔
لیکن نامعلوم وجوہات کے بنا پر اچانک سے کام کو روک دیا گیا اور آج تک اس پل پر کام دوبارہ شروع نہیں ہوا۔ اس کی وجہ سے مقامی لوگوں کو کافی مشکلات کا سامنا کرنا پڑتا ہے۔
مقامی لوگوں نے بتایا کہ اگر اس پل کو سرکار کو بنانا تھا تو پھردرمیان میں کام کو کیوں چھوڑ دیا گیا اور جو کروڑوں کی لاگت میں سریا اور سیمنٹ لایا گیا وہ پورا کا پورا ضائع ہوا۔
انہوں نے مزید بتایا کہ اگر اس پل کو سرکار تعمیر کرتی تو ہم کو بارہمولہ سرینگر اور کپواڑہ جانے میں کافی سہولت ہوتی لیکن بدقسمتی سے سرکار حرکت میں نہیں آئی۔
ہم نے سرکار سے کافی بار گزارش کی اور ضلع انتظامیہ سے بھی التجا کی کہ اس پل کو جلد از جلد بنایا جائے تاکہ ہم کو راحت مل سکے لیکن سرکار توجہ نہیں دے رہی ہے۔
ہم ایک بار پھر سرکار اور ایل جی گورنر سے گزارش کرتے ہیں کہ اس پل پر تعمیری کام شروع کیا جائے تاکہ ہم لوگوں کو اور مزید مشکلات سے دو چار ہونا نہ پڑھے۔
