سوپور: مناسب قیمت نہ ملنے کے سبب سیب کے تاجرین پریشان

جموں و کشمیر کے بارہمولہ ضلع کے سوپور کو سیبوں کا شہر کہا جاتا ہے، یہاں ہر سال لوگ اچھی امید میں سیب لگاتے ہیں لیکن انہیں مارکیٹ سے مایوسی ہاتھ لگتی ہے، اس بار بھی یہاں کے کاروباری موجود حالات کے پیش نظر مایوس ہیں۔

سوپور: جہاں کشمیر کے مختلف اضلاع میں اس وقت سیب کی تیار شدہ فصل کو مارکیٹ میں بھیجا جارہا ہے تو وہیں سوپور، جس کو Apple Town سے جانا جاتا ہے، یہاں بھی اس وقت فروٹ گروورس اس کام میں مشغول ہیں۔

فروٹ گروورس کے مطابق گزشتہ تین سالوں سے سیب کی پیداوار میں نمایاں کمی آئی ہے، اس کے پیچھے کئی وجوہات ہیں۔
یہاں کام کرنے والوں نے بتایا کہ پہلے ان کو سیب کے کاروبار سے کافی فائدہ ہوتا تھا لیکن لگاتار موسم کی تبدیلی، کشمیر کی موجودہ صورتحال اور کورونا وائرس کی وجہ سے کافی نقصان اٹھانا پڑرہا ہے۔

فروٹ کاروبار کے ساتھ منسلک لوگوں نے بتایا کہ سیب کی کمی سے ان کے روزگار پر کافی زیادہ برا اثر پڑا ہے اور ان کو کافی دشواریوں کا سامنا کرنا پڑتا ہے لیکن ہم پُرامید ہیں کہ ہمارا سیب ہندوستان کی مختلف ریاستوں میں اچھی قیمت پر فروخت ہوگا۔