ضلع بارہمولہ میں تحصیلدار سوپور کی جانب سے ڈپٹی کمشنر بارہمولہ بھوپندر کمار کو لکھے گئے ایک خط کے مطابق وہ سب ضلع اسپتال سوپور کے دورے پر گئے تھے جہاں انہوں نے چھ ڈاکٹروں کو ڈیوٹی سے غیر حاضر پایا۔ ڈی سی بارہمولہ کی زبانی ہدایات پر جمعرات کو تحصیلدار سوپور نے سب ضلع اسپتال کا اچانک دورہ کیا۔
تحصیلدار سوپور نے بلاک میڈیکل آفیسر سوپور کی جانب سے تیار کردہ روزانہ حاضری شیٹ کی کاپی کے ساتھ ایک رپورٹ ڈی سی بارہمولہ کو معلومات اور ضروری کارروائی کے لیے ارسال کر دی ہے۔
مزید پڑھیں: سوپور میں 40 سالہ ترکھان چھت سے گرنے کے دو دن بعد فوت
رپورٹ کے مطابق ڈیوٹی سے غیر حاضر رہنے والے ڈکٹروں میں ڈاکٹر محمد اشرف کنسلٹنٹ سرجن، ڈاکٹر محمد سلطان میڈیکل آفیسر، ڈاکٹر محمد سلیم چستی، ڈاکٹر مدثر نذیر، ڈاکٹر ایم رفیع اور ڈاکٹر شیخ داؤد شامل ہیں۔
