بارہمولہ میں حفاظتی دستوں کا محاصرہ اور تلاشی مہم

جموں و کشمیر میں بارہمولہ ضلع کے تنگ مرگ میں حفاظتی دستوں نے جمعہ کے روز محاصرہ کرکے تلاشی مہم چلائی۔

سرکاری ذرائع نے بتایا کہ عسکریت پسندوں کے چھپے ہونے کی خفیہ اطلاع کی بنیاد پر راشٹریہ رائفلز (آر آر) ، جموں و کشمیر پولیس کے خصوصی مہم گروپ (ایس او جی) اور مرکزی ریزرو پولیس فورس (سی آر پی ایف) کے جوانوں نے درجہ حرارت صفر سے کم ہونے کے باوجود آج صبح محاصرہ کرکے تلاشی مہم چلائی۔

انہوں نے بتایا کہ علاقے کی گھیرا بندی کردی گئی ہے اور اس علاقے سے گزرنے والی گاڑیوں اور مسافروں کی تلاشی لی جارہی ہے۔

حفاظتی دستوں نے اب تک کسی کو حراست میں نہیں لیا ہے۔