واضح رہے کہ کورونا وائرس کے بڑھتے معاملات کے پیش نظر انتظامیہ نے سوپور اور اس کے گرد نواح علاقوں میں دوبارہ لاک ڈاون بڑھانے کا اعلان کیا ہے۔
پولیس نے آج لاک ڈاؤن کی خلاف ورزی کرنے والوں کے خلاف کاروائی کی اور تقریباً 9 نجی گاڑیوں کو ضبط کیا۔
ادھر ضلع انتظامیہ اور سوپور پولیس لاؤڈ سپیکر کے ذریعے عوام الناس سے اپیل کر رہی ہے کہ انتظامیہ کی جانب سے جاری احکامات کی پاسداری کریں۔
انہوں نے لوگوں سے اپیل کی کہ وہ گھروں کے اندر ہی رہے، تاکہ اس مہلک وبا کو مزید پھیلنے سے روکا جا سکے۔
یہ بھی پڑھیں: اونتی پورہ: عوام سے رہنما خطوط کی پاسداری کرنے کی اپیل
انتظامیہ نے کورونا وائرس کی زنجیر کو توڑنے کے لیے اور اس کو ختم کرنے کے لیے حکمناموں پر عمل پیرا ہونے کی تلقین کی ہے۔
بتا دیں کہ وادی کشمیر میں کورونا متاثرین کی تعداد دن بہ دن بڑھتی جا رہی ہے اور اب تک 12 ہزار سے زائد افراد اس مہلک وبا کے شکار ہوئے ہیں۔ وہیں ضلع بارہمولہ میں کورونا متاثرین کی تعداد 1623 ہے اس کے علاوہ 53 افراد کی موت واقع ہوئی ہے۔
