Gas Leak Case in Sopore سوپور میں دم گھٹنے سے غیر مقامی شخص کی موت

شمالی کشمیر کے سوپور میں دم گھٹنے سے ایک غیر مقامی شخص کی موت ہو گئی جب کہ دوسرے شخص کو ہسپتال میں داخل کرایا گیا ہے۔ Non local dies of suffocation in Sopore

سری نگر: شمالی کشمیر کے قصبہ سوپور میں گیس کے اخراج کے باعث دم گھٹنے سے ایک غیر مقامی شخص کی موت جب کہ اس کے دوسرے ساتھی کو ہسپتال میں داخل کرایا گیا ہے۔ ذرائع نے بتایا کہ فروٹ منڈی سوپور میں ایک ٹرک زیر نمبر PB0A6AU – 2925 میں دو غیر مقامی افراد کو منگل کی صبح بے ہوش پایا گیا۔ انہوں نے کہا کہ دونوں کو اٹھا کر سب ضلع ہسپتال سوپور منتقل کیا گیا جہاں ڈاکٹروں نے ایک کو مردہ قرار دیا جب کہ دوسرے کو علاج کے لئے داخل کیا گیا۔ Punjab resident dies in Sopore

متوفی کی شناخت اشونی کمار کے بطور ہوئی ہے جب کہ اس کے دوسرے ساتھی کی شناخت راکیش کمار ولد امر ناتھ ساکنان گرداس پور پنجاب کے طور پر ہوئی ہے۔ دریں اثنا پولیس نے اس ضمن میں ایک کیس درج کرکے مزید تحقیقات شروع کی ہے۔ پولیس کا کہنا ہے کہ ابتدائی طور ایسا لگتا ہے کہ یہ گیس اخراج ہونے کا واقعہ ہے تاہم اس سلسلے میں تحقیقات جاری ہیں۔

یو این آئی