ہوٹلیئرز کو مزید بکنگ کے لیے نہیں روکا گیا: ڈی سی

ڈی سی بارہمولہ نے کہا کہ کسی بھی ہوٹلیئرز کو یہ نہیں کہا گیا ہے کہ 'وہ بکنگ نہ کریں' یہ محض افواہ ہے۔

وادی کشمیر میں سیاحت کو مزید فروغ دینے کے حوالے سے گلمرگ میں 'کھیلو انڈیا' کا دوسرا مرحلہ 26 فروری سے شروع ہونے والا ہے جس کے لیے تمام تر تیاریاں مکمل کی گئی ہیں۔

کل سے کئی ساری افواہیں گشت کر رہی تھیں، جس میں کہا جا رہا تھا کہ گلمرگ میں ہوٹلیئرز سے کہا گیا ہے کہ وہ مزید بکنگ نہ کریں اور کھلاڑیوں کے لیے اپنے ہوٹلوں میں جگہ رکھیں۔

ای ٹی وی بھارت نے جب اس تعلق سے مزید جاننا چاہا تو گلمرگ ہوٹلیئرز اسوسی ایشن کے پرسیڈنٹ مختار احمد شاہ نے بتایا کہ یہ افواہیں ہیں۔ انہوں نے کہا کہ وہ اس فیصلے سے مطمئن ہیں۔

ڈی سی بارہمولہ نے بھی ان افواہوں کی تردید کرتے ہوئے کہا کہ کسی بھی ہوٹلیئرز کو یہ نہیں کہا گیا ہے کہ 'وہ بکنگ نہ کریں' یہ محض افواہیں ہیں۔

ڈی سی نے مزید بتایا کہ گلمرگ میں اس حوالے سے تمام تر تیاریاں مکمل کی گئی ہیں اور کھیلو انڈیا کا دوسرا مرحلہ ہونے سے سیاحت کو مزید فروغ ملے گا۔