شمالی کشمیر، ضلع بارہمولہ کے نوپورہ سوپور سے گزرنے والے بالہ پہرہ کا کنارہ اور علاقہ کی رابطہ سڑک کا ایک حصہ مکمل طور پر ڈھہ گیا ہے حس کے نتیجے میں رہائشی مکانوں کے ساتھ ساتھ مکینوں کو بھی گرنے کا خطرہ لاحق ہوگیا ہے۔
ای ٹی وی بھارت کے ساتھ بات کرتے ہوئے مقامی لوگوں نے بتایا کہ سڑک کے کھسکنے کے باعث لوگوں کو کافی مشکلات کا سامنا کرنا پڑرہا ہے، انہوں نے کہا کہ گزشتہ ایک سال سے سڑک آہستہ آہستہ ڈھہ رہی تھی جبکہ گزشتہ تین روز سے یہ سڑک مکمل طور ڈھہ گئ ہے۔
مقامی لوگوں نے انتظامیہ اور محکمہ آبپاشی سے اس تعلق سے متعدد دفعہ شکایت بھی کی ہے لیکن اس کی طرف کوئی توجہ نہیں دی گئی، جس کا نتیجہ یہ ہوا کہ آج یہ رابطہ سڑک مکمل طور سے کھسک گئی۔
لوگوں نے سرکار اور ضلع انتظامیہ سے اس سڑک کی جلد از جلد مرمت کرانے کی گزارش کی ہے، تاکہ اطراف کے مکانوں کو کسی بڑے حادثے میں تبدیل ہونے سے بچایا جاسکے۔
