سوپور: جموں و کشمیر کے ضلع بارہمولہ کے سوپور بس اسٹینڈ میں سٹریٹ لائٹ street light کی عدم دستیابی کی وجہ سے مقامی دکانداروں کے ساتھ راہگیروں کو کافی مشکلات کا سامنا کرنا پڑرہا ہے۔ مقامی لوگوں نے بتایا کہ اس بس اسٹینڈ میں اسٹریٹ لائٹ نہ ہونے کی وجہ سے ہمیں کافی دشواریاں پیش آتی ہیں۔ یہاں شام کے وقت سبھی کو سب سے زیادہ پریشانی ہوتی ہے۔ انہوں نے بتایا کہ شمالی کشمیر کے سوپور بس اسٹینڈ میں ڈرینیج سسٹم کی وجہ سے بھی کافی دقت پیش آتی ہے ۔ اگر ہم نے متعلقہ محکمہ سے کافی بار گزارش کی کہ ان کے مشکلات دور ہو جائے لیکن بدقسمتی سے کوئی بھی بات سنی نہیں گئی۔مقامی لوگوں کے مطابق بس اسٹینڈ سوپور میں کافی بھیڑ ہوتی ہے کیونکہ یہاں سے ضلع بارہمولہ، بانڈی پورہ اور کپواڑہ کے لئے گاڑیاں نکلتی ہے جس کی وجہ سے کافی تعداد میں یہاں مسافر ہوتے ہیں۔انہوں نے بتایا کہ اس بس اسٹینڈ میں بنیادی سہولیات نہ ہونے کے سبب مسافروں و مقامی دکانداروں کو کافی دقت ہوتی ہے۔
انہوں نے مزید کہا کہ اگر پینے کے پانی کے حوالے سے بات کریں تو یہاں پینے کے لیے پانی بھی نہیں ہے۔ مسافروں کے ساتھ ساتھ ہم لوگوں کو بھی دوسری جگہوں پر پانی پینے کے لیے جانا پڑتا ہے جس سے کافی وقت برباد ہوتا ہے۔ مقامی دکانداروں نے بتایا کہ اس بس اسٹینڈ میں کافی لوگ اپنا روزگار کرتے ہیں اور وہ آٹو رکشا میں سبزی فروخت کرتے ہیں لیکن وہ دن بھر لاوڈ اسپیکر پر اسے فروخت کرتے ہیں جس کی وجہ کافی شور پیدا ہوتا ہے اور ہمارا کام پورے طریقے سے خراب ہوتا ہے۔ہم سرکار اور ضلع انتظامیہ سے گزارش کرتے ہے کہ ہمارے مشکلات کو مد نظر رکھتے ہوئے ان کو جلد از جلد دور کیا جائے۔
یہ بھی پڑھیں : Water Scarcity in Zangir Sopore: زنگیر میں پینے کے صاف پانی کی شدید قلت
