ضلع بارہمولہ میں واقع ایشاء کی دوسری بڑی فروٹ منڈی سوپور میں فروٹ گروورس ایسوسی ایشن کی جانب سے کسانوں خصوصا سیب کی کاشت اور تجارت سے وابستہ افراد کے لیے یک روزہ کسان میلہ منعقد Awareness Camp For Fruit Growers کیا گیا۔
فروٹ منڈی سوپور میں کسان میلہ کا انعقاد
کسان میلہ میں محکمہ باغبانی کے افسران سمیت میوہ صنعت سے جڑے تاجروں کی خاصی تعداد نے شرکت کی۔ فروٹ گروورس ایسو سی ایشن کے زعماء نے کسانوں خاص کر سیب کی کاشت اور تجارت سے وابستہ افراد کو درپیش مسائل متعلقہ محکمہ کے افسران کی نوٹس میں لائے۔
انہوں نے سیب کی پیداوار میں اضافہ کے لیے کاشت کاروں کو وقت پر کھاد، جراثیم کش ادویات فراہم کرنے کے علاوہ جدید سائنسی تحقیقات سے کسانوں کو باخبر کرنے پر بھی زور دیا۔
