شمالی کشمیر میں سوپور قصبہ کے بوٹینگو علاقے کے یوتھ سپورٹس کونسل کے چیرمین عرفان دلاور نے نوجوان کھلاڑیوں کو لاک ڈائون کے دوران پریکٹس جاری رکھنے کا مشورہ دیا۔
انہوں نے کھلاڑیوں سے پریکٹس جاری رکھنے کی اپیل کرتے ہوئے کہا کہ ’’گھروں میں ہی مشق کی جائے، تاہم اس دوران سماجی دوری کا خاص خیال رکھنا بھی ضروری ہے۔‘‘
کھلاڑیوں کو گھروں میں ہی پریکٹس جاری رکھنے کا مشورہ
انکے مطابق گھروں میں قید اور بے کار رہنے سے ذہنی تنائو کا شکار ہونے کا اندیشہ لاحق رہتا ہے، اس لیے کھیل کود اور گھروں میں پریکٹس جاری رکھنے سے نہ صرف جسمانی بلکہ ذہنی طور پر انسان تندرست رہتا ہے۔
یوتھ سپورٹس کونسل کے چیئرمین کے مطابق لاک ڈائون ختم ہونے کے بعد کھیل سرگرمیاں شروع ہوتے ہی کھلاڑیوں کو تیار رہنے کے لیے اس وقت پریکٹس جاری رکھنی ہے۔
