جموں و کشمیر کے مشہور ٹی وی آرٹسٹ عبدل قیوم بٹ المعروف ’قیوم بادشاہ‘ نے عوام سے اپیل کی ہے کہ وہ کورونا وائرس کے پھیلائو کو روکنے کی خاطر انتظامیہ کا پورا تعاون دیں۔
انہوں نے پولیس اور انتظامیہ کی سراہنا کرتے ہوئے کہا کہ ’’طبی عملہ، پولیس اور فوج عوام کی حفاظت کے لیے گھروں سے باہر ہیں تاہم عوام کو بھی گھروں میں رہ کر انتظامیہ کا تعاون دینا چاہئے۔‘‘
قیوم بادشاہ کا کہنا ہے کہ مہلک کوروناوائرس نے لگ بھگ پوری دنیا کو اپنی لپیٹ میں لے لیا ہے اور لاکھوں افراد اس وائرس کے عارضے میں مبتلا ہو چکے ہیں۔
انہوں نے انتظامیہ کی جانب سے لاک ڈائون کی اپیل کو مکمل کامیاب بنانے کی اپیل کرتے ہوئے کہا کہ ’’انتظامیہ اور پولیس وائرس کو روکنے کی خاطر ہی باہر سڑکوں پر ہیں، تاہم ہمیں بھی خود کی اور پوری قومی کی حفاظت اور وائرس کے پھیلائو کو روکنے کے لیے گھروں میں ہی رہنا چاہئے۔‘‘
