سرکاری ذرائع کے مطابق ضلع بارہمولہ کے اوڑی میں لائن آف کنٹرول پر بدھ کے روز پاکستانی فوج نے بلا اشتعال بھارتی ٹھکانوں کو نشانہ بناکر گولہ باری شروع کی۔
فائرنگ میں فوج کا ایک جوان بھی ہلاک ہوا ہے۔ ہلاک شدہ جوان کی شناخت برجیش کراٹے کے طور پر کی گئی ہے۔، وہیں ہلاک شدہ خاتون کی شناخت نسمیہ بیگم کے طور ہوئی ہے۔
دفاعی ذرائع نے بتایا کہ بھارتی فوج بھی پاکستانی گولہ باری کا بھر پور جواب دے رہی ہے۔
مرکزی حکومت کی جانب سے 5 اگست کو دفعہ 370 کی منسوخی کے بعد ریاست کو مرکز کے زیر انتظام دو علاقوں میں منقسم کرنے کے بعد دونوں ممالک کے مابین حالات کشیدہ بنے ہوئے ہیں۔
سرحد پر کشیدگی کے باعث جموں و کشمیر کے بالائی علاقے اوڑی، پونچھ، راجوری، گریز میں رہائش پزیر افراد خوف و دہشت کے سائے میں زندگی گزار رہے ہیں
واضح رہے کہ سنہ 2003 میں دونوں ممالک کے درمیان لائن آف کنٹرول پر جنگ بندی کا معاہدہ ہوا تھا۔ اس کے بعد بھی دونوں ممالک ایک دوسرے پر معاہدے کی خلاف ورزیوں کے الزامات عائد کرتے رہے ہیں۔
