اطلاعات کے مطابق سکیورٹی فورسز کی جانب سے کی گئی کاروائی کے دوران قصبہ سوپور میں عسکریت پسندوں کے 5 معاون کو گرفتار کیا گیا ہے۔، تاہم ان کی تحویل سے کسی طرح کا اسلحہ بر آمد نہیں کیا گیا ہے۔ ان کا تعلق عسکری تنظیم لشکر طیبہ سے ہیں۔
گرفتار شدہ معاون کی شناخت ہلال احمد، سہیل نظیر، پیر زادہ محمد زاہد، الفت بشیر، اعجاز احمد کے طور کی گئی ہے۔ ان میں سے 3 کا تعلق سوپور کے براٹھ گاؤں سے ہے جبکہ 2 کا تعلق نوپورہ گاؤں سے ہے۔ پولیس نے مقدمہ درج کر کے تحقیقات شروع کر دی ہے۔
واضح رہے کہ سکیورٹی فورسز کی جانب سے عسکریت پسندوں کے خلاف کاروائی جاری ہے۔
چند روز قبل ضلع گاندربل اور بانڈی پورہ میں دو الگ الگ تصادم کے دوران 3 عسکریت پسندوں کا ہلاک کیا گیا تھا۔ اس سے قبل جنوبی کشمیر میں بھی تصادم کے دوران 2 عسکریت پسندوں کو ہلاک کیا گیا۔
