پٹن میں پولیس نے قتل کا معمہ حل کیا

بارہمولہ کے پٹن میں ہوئے قتل کیس میں مبینہ طور پر ملوث دو افراد کو گرفتار کر لیا ہے۔

ایس ایس پی رئیس احمد بٹ نے آج ایک پرس کانفرنس میں کہا کہ 8 اور 9 مارچ کی درمیانی رات رینجی پٹن میں ہوئے 34 سالہ محمد الطاف ملک کا قتل ان بیوی نے اپنے عاشق کے ساتھ مل کر اپنے شوہر کا قتل کیا ہے۔

رئیس احمد بٹ نے مزید بتایا کہ جس ہتھیار سے محمد الطاف کا قتل کیا گیا وہ بھی برآمد کیا گیا ہے انہوں نے کہا کہ دونوں ملزمان نے اعتراف جرم بھی قبول کر لیا ہے۔ انہوں نے کہا کہ الطاف کی لاش ایک گئو خانہ کے باہر ملی تھی جس کے بعد بتایا گیا تھا کہ ان کہ مور قدرتی طور پر ہوئی تھی، تاہم اہلخانہ کے بھائی کو شُبہ ہوا تھاجس کے بعد انہوں نے پولیس میں شکایت درج کی۔ پولیس نے ایک کیس رجسٹر کر کے تحقیقات کی تھی۔ رئیس احمد نے بتایا کہ اس جرم میں ملوث دو افراد کو گرفتار کر لیا گیا ہے۔ ان میں سے ایک کئی بار فرار ہونے کی کوشش کی تاہم پولیس نے انہیں دوسرے ضلع گرفتار کیا گیا۔

اس موقع پر مقتول کے گھر والوں نے پولیس کا شکریہ بھی ادا کیا ۔