شمالی قصبہ اوڑی میں عسکریت پسند گرفتار

جموں و کشمیر کے سرحدی قصبہ اوڑی میں پولیس نے ایک عسکریت پسند کو گرفتار کرنے کا دعویٰ کیا ہے ۔

پولیس ذرائع سے معلوم ہوا کہ آج اوڈی کے ہتھ لنگا گاؤں میں فوج اور پولیس کی مشترکہ ٹیم نے ایک ناکے کے دوران زبیر احمد تانترے ولد غلام محمد تانترے نامی عسکریت پسند کو گرفتار کیا۔

گرفتار شدہ عسکریت پسند مقامی بتایا جارہا ہے وہ بحرم پورہ سوپور کا رہنے والا ہے۔ ذرائع نے بتایا کہ گرفتار شدہ عسکریت پسند سے اسلحہ بارود برآمد کیا گیا ہے۔

پولیس نے اس ضمن میں کیس درج کرکے مزید پوچھ گچھ شروع کی ہے۔