شمالی کشمیر کے ضلع بارہمولہ کے سوپور کے فروٹ منڈی میں آج فروٹ گروورس اور ڈیلرس کو دفتر اور دکان بنانے کے لیے ڈی سی بارہمولہ جی این ایتو نے فروٹ منڈی یعنی پھل منڈی کا افتتاح کیا۔ اس موقعے پر ڈی سی بارہمولہ کے ہمراہ اے ڈی سی سوپور پرویز سجاد کے ساتھ ساتھ دیگر چھوٹے بڑے افسران نے پروگرام میں شرکت کی۔
ای ٹی وی بھارت سے بات کرتے ہوئے ڈی سی بارہمولہ جی این ایتو نے بتایا کہ سوپور فروٹ منڈی بھارت کی کافی اہم منڈی ہے اور یہاں کافی لوگ اپنا کاروبار کرتے ہیں اور ہماری کوشش ہے کہ ہم اس فروٹ منڈی کو دنیا کی سب سے بہترین منڈی بنانے کی کوشش کریں۔
یہ بھی پڑھیں: سوپور کے آرم پورہ میں تلاشی کارروائی شروع
انہوں نے بتایا کہ آج ہم نے فروٹ گروورس اور ڈیلرس کے لیے دکان اور دفتر بنانے کے لیے ان کو جگہ دی تاکہ وہ اپنا کام کاج اچھی طرح سے کر سکیں۔
اس موقع پر سوپور فروٹ منڈی کے صدر فیاض احمد نے بتایا کہ حکومت اور ضلع انتظامیہ بارہمولہ پوری کوشش کرے گی کہ اس منڈی کو بہترین منڈی بنایا جائے اور ہم ان کا شکر گزار ہیں۔
انہوں نے مزید کہا کہ ہم حکومت سے التجا کرتے ہیں کہ اس منڈی میں ایک طبی مرکز بنایا جائے کیونکہ اس فروٹ منڈی میں آج تک طبی مرکز نہیں بنایا گیا ہے۔
