کشمیر: اوڑی میں ژالہ باری، فصلوں کو نقصان

شمالی کشمیر کے ضلع بارہمولہ میں سرحدی علاقہ اوڑی کے بونیار علاقے میں شدید ژالہ باری ہوئی۔

وادی کشمیر میں صبح سے ہی موسم میں اچانک تبدیلی آئی ہے۔ وادی کشمیر کے اکثر اضلاع میں سرد اور تیز ہواؤں کے ساتھ ساتھ کئی علاقوں میں موسلا دھار بارش ہوئی جبکہ ضلع بارہمولہ کے بونیار، اوڑی میں ژالہ باری ہوئی۔

سرحدی علاقہ بونیار میں ژالہ باری کی وجہ سے میوہ باغات کو کافی نقصان پہنچا ہے۔

سال کے اس موسم میں اچانک اور شدید ژالہ باری کی وجہ سے کسانوں میں تشویش کی لہر دوڑ گئی ہے۔