زرعی یونیورسٹی واڈورہ میں تقریب کا اہتمام

طالبات نے بتایا کہ ہر مذہب آپس میں بھائی چارہ اور امن کا پیغام دیتا ہے لیکن بدقسمتی کی بات ہے کہ لوگ اپنے مذہب کے تابع اپنی اپنی زندگیاں نہیں گزارتے ہیں جس سے ہم آپس میں لڑتے جھگڑتے ہیں۔

شمالی کشمیر کے ضلع بارہمولہ کے سوپور قصبہ کے واڈورہ کے نارتھ کیمپس زرعی یونیورسٹی میں فاؤنڈیشن کم اورنٹیشن کے حوالے سے ایک پروگرام کا اہتمام کیا گیا۔

دن بھر کے پروگرام کے دوران طلباء کی فلاح و بہبود اور یونیورسٹی میں طلبا سے وابستہ سرگرمیوں کی اہمیت کا خاکہ پیش کیا گیا۔ اس موقع پر ادارہ کے ڈین نے کہا کہ آپ کو ایسی یونیورسٹی میں داخلہ حاصل ہوا ہے جو ملک بھر میں تمام زرعی یونیورسٹی میں 9ویں نمبر پر ہے اور جلد ہی پہلے پانچ میں ہو گی۔

اس پروگرام میں ثقافتی اور تفریحی پروگراموں کا اہتمام بھی کیا گیا جس میں مقامی طلبا و طالبات کے علاوہ دنیا بھر کے مختلف مذاہب سے وابستہ طلبا نے بھی حصہ لیا۔

ذرائع ابلاغ کے ساتھ بات کرتے ہوئے طلبا نے بتایا کہ ہر مذہب آپس میں بھائی چارہ اور امن کا پیغام دیتا ہے لیکن بدقسمتی کی بات ہے کہ لوگ اپنے مذہب کے تابع اپنی اپنی زندگیاں نہیں گزارتے ہیں جس سے ہم آپس میں لڑتے جھگڑتے ہیں۔

انہوں نے کہا کہ اگر واڈورہ کیمپس کی بات کریں گے یہاں ہر مذہب سے تعلق رکھنے والے طلبا و طالبات نظر آرہے ہیں اور یہاں ایک دوسرے کے ساتھ حسن سلوک کرنے کے ساتھ ساتھ آپسی بھائی چارہ قائم کرنے میں پوری کوشش کرتے ہیں۔

انہوں نے لوگوں سے اپیل کی کہ آپس میں بھائی چارہ اور پیار کو فروغ دیں۔