سرینگر:جموں وکشمیر کے شمالی کشمیر کے اونچے پہاڑوں پر منگل کے روز تازہ برف باری ہوئی جس وجہ سے میدانی علاقوں میں سردی میں اضافہ دیکھنے کو ملا ہے۔یونین ٹریٹری لداخ میں بھی تازہ برف باری ہوئی ۔ لہیہ کے ضلع ترقیاتی کمشنر نے ایڈوائزری جاری کرتے ہوئے بتایا کہ لداخ کے کھر دنگلا پاس، چھنگلہ پاس اور دوسرے اہم سیاحتی مقامات پر بھاری برف باری کے پیش نظر لوگوں سے تلقین کی جاتی ہیں کہ وہ ان شاہراﺅں پر سفر کرنے سے گریز کریں۔Fresh snowfall at Affarwat Gulmarg
دریں اثنا محکمہ موسمیات نے اگلے چوبیس گھنٹوں کے دوران وادی میں ہلکی سے درمیانہ درجے کی بارشوں اور اونچے پہاڑوں پر برف و باراں کی پیش گوئی کی ہے۔Weather Update JK
اطلاعات کے مطابق شمالی کشمیر کے ضلع بارہمولہ میں واقع شہرہ آفاق سیاحتی مقام گلمرگ کے افروٹ پہاڑی سلسلہ پر منگل کو برف باری ہوئی۔معلوم ہوا ہے کہ افروٹ پہاڑی پر یہ رپورٹ فائل کرنے تک دو انچ برف ریکارڈ کی گئی ۔
برف باری کی وجہ سے اس پہاڑی سلسلے پر سفید چادر بچھ گئی ہے جس کا نظارہ گلمرگ کے نزدیک واقع سبھی علاقوں میں دیکھا جاسکتا ہے۔
خطہ پیر پنچال سے موصولہ اطلاعات کے مطابق تاریخی مغل روڑ کے راستے بالخصوص پیر کی گلی کے مقام پر بھی ہلکی برف باری ہوئی ہے۔ نیز دیگر کچھ پہاڑیوں نے بھی برف باری سے سفید رنگ و روپ اختیار کر لیا ہے۔
