شمالی کشمیر کے سرحدی قصبہ بونيار، اوڑی ميں محکمہ صحت کی جانب سے پرائمری ہیلتھ سینٹر، بونيار میں مریضوں کو ادویات مفت فراہم کرنے کی غرض سے خصوصی کاؤنٹر کا افتتاح کیا گیا۔
محکمہ صحت کے افسران نے بتایا کہ طبی مرکز میں قائم کئے گئے خصوصی کاؤنٹر پر تقریباً 110 لائف سیونگ ادویات مہیا رکھی گئیں جو مریضوں کو مفت فراہم کی جائیں گے۔ ان کے مطابق کاؤنٹر 24 گھنٹے کھلا رہے گا۔
ای ٹی وی بھارت کے ساتھ بات کرتے ہوئے مقامی باشندوں نے بتایا کہ مفت ادویات کی فراہمی کے سبب غریب اور مفلس افراد کو کافی راحت پہنچے گی۔
مزید پڑھیں: اوڑی: ہیلتھ سینٹر میں بنیادی سہولیات کا فقدان
بلاک میڈیکل افسر، بونیار ڈاکٹر پرویز مسعودی نے بتایا کہ قریب 80 ہزار نفوس پر مشتمل بونیار علاقے کے بیشتر باشندے خط افلاس سے نیچے زندگی گزار رہے ہیں۔ اس کے پیش نظر ضلع انتظامیہ کے اشتراک سے بونیار کے طبی مرکز میں لوگوں کو راحت پہنچانے کی غرض سے ایک خصوصی کاؤنٹر کا افتتاح کیا گیا جہاں فی الحال 100سے زائد لائف سیونگ ادویات (Life Saving Drugs) مفت تقسیم کی جائیں گی۔
