بارہمولہ: شمالی کشمیر کے کھار محلہ آرم پورہ سوپور میں آتشزدگی کی ایک بھیانک واردات کے دوران چار رہائشی مکان خاکستر ہوئے۔ فائر اینڈ ایمرجنسی اور مقامی لوگوں کی بروقت کارروائی کے نتیجے میں آگ پر قابو پایا گیا۔Fire Mishap in Sopore
اطلاعات کے مطابق بدھ کی سہ پہر کو سوپور کے کھار محلہ لالہ بب صاحب آرم پورہ کی بستی میں آگ ایک مکان سے ظاہر ہوئی جس نے آناً فاناً کئی مکانوں کو زد میں لے لیا۔
ذرائع نے بتایا کہ مقامی لوگوں اور فائر اینڈ ایمرجنسی کی بروقت کارروائی کے نتیجے میں اگرچہ آگ پر قابو پایا گیا تاہم آتشزدگی کی اس واردات میں چار مکان خاکستر ہوگئے اور اُن میں موجود لاکھوں روپیے مالیت کی گھریلو اشیاء بھی راکھ کے ڈھیر میں تبدیل ہوگئیں۔
فائر اینڈ ایمرجنسی کے ایک سینئر عہدیدار نے بتایا کہ گنجان آبادی کے باوجود بھی فائر اینڈ ایمرجنسی عملے نے کمال جرائت کا مظاہرہ کرکے بستی کو خاکستر ہونے سے بچایا۔ انہوں نے کہاکہ دو رہائشی مکان مکمل طورپر خاکستر ہوئے جب کہ دو کو جزوی طورپر نقصان پہنچا۔ اُن کے مطابق آگ لگنے کی وجوہات جاننے کی خاطر کیس درج کرکے تحقیقات شروع کر دی گئی ہیں۔
یہ بھی پڑھیں:
