شمالی کشمیر کے سوپور قصبہ کے مشہور سبحانہ اسٹیڈیم میں قریب بیس برس بعد ایک فٹ بال ایگزبشن میچ کا انعقاد کیا گیا جس میں سینکڑوں کی تعداد میں لوگوں نے شرکت کی اور میچ سے لطف اندوز ہوئے۔
پیر کو معراج الدین وڈو الیون اور اشفاق احمد الیون کے مابین کھیلے گئے میچ میں معراج الدین وڈو الیون نے ایک صفر سے جیت درج کی۔
سوپور میں فٹ بال ایگزبشن میچ کا انعقاد
اس موقع پر آرگنائزر نے برسوں بعد سوپور میں اس قسم کا میچ کھیلے جانے پر خوشی کا اظہار کیا۔
انہوں نے کھیل کود کی اہمیت اور فٹبال میچ آرگنائز کرنے سے متعلق کہا: ’’آج کل کے دور میں بعض نوجوان منشیات کی لت میں بری طرح پھنس چکے ہیں اور ایسے وقت میں اس طرح کے ٹورنامنٹ کے انعقاد سے نہ صرف نوجوانوں کو کھیل کود کی جانب راغب کیا جا رہا ہے بلکہ انہیں منشیات کی لت سے بچانے کی بھی ایک اچھی پہل ہے۔‘‘
