سرکاری ذرائع نے خبر رساں ایجنسی کو بتایا کہ پانچ عسکریت پسندوں کو سوپور پولیس نے گرفتار کیا ہے جو کشمیر کے شمالی خطے میں سرگرم عسکریت پسندوں کو لاجسٹک سپورٹ اور پناہ فراہم کرنے میں ملوث تھے۔
ذرائع نے بتایا کہ مسلسل پوچھ گچھ کے دوران گرفتار افراد نے پولیس کو سوپور میں اسلحہ و بارود کی جگہ کے بارے میں جانکاری دی۔
شمالی کشمیر میں عسکریت پسندوں کے پانچ معاون گرفتار
سوپور سے پولیس کی ایک ٹیم کپواڑہ کے کیرن سیکٹر پہنچی جہاں سے انہوں نے اسلحہ و بارود کو برآمد کر لیا۔
پولیس نے اسے ایک بڑی کامیابی قرار دیتے ہوئے کہا کہ علاقے میں سرچ آپریشن کے دوران 8 اے کے اسالٹ رائفلز، نو پستول، ایک ہزار اے کے آر ڈی ایس اور ستر دستی بم برآمد کیے گئے ہیں۔
پولیس نے کہا کہ آنے والے دنوں میں مزید گرفتاریوں کا امکان ہے۔
