شمالی کشمیر کے بارہمولہ ضلع میں بارڈر سکیورٹی فورس کے پانچ اہلکاروں سمیت ایک افسر اس وقت زخمی ہوگئے جب ان کی گاڑی حادثہ کا شکار ہوگئی۔ یہ حادثہ تھانہ شیری کے قریب پیش آیا۔
پولیس ذرائع نے بتایا کہ 194 بٹالین بی ایس ایف کے اہلکار ایک گاڑی (جے کے 03-6804) میں محورہ سے بارہمولہ جارہے تھے کہ ڈرائیور نے گاڑی پر اپنا کنٹرول کھودیا۔
حادثہ میں ایک افسر سمیت بی ایس ایف کے پانچ اہلکار زخمی ہوگئے۔ بعد ازاں انہیں علاج کے لئے قریبی اسپتال منتقل کردیا گیا۔
یہ بھی پڑھیں: جموں کے ستواری میں ڈرون کی موجودگی کا دعویٰ
زخمیوں کی شناخت اسسٹنٹ سب انسپکٹر ونود کمار، ہیڈ کانسٹیبل مکیش کمار، ہیڈ کانسٹیبل طوطا رام، کانسٹیبل امن دیپ اور کانسٹیبل جل سنگھ کے طور پر ہوئی ہے۔
