شمالی کشمیر کے ضلع بارہمولہ میں آج کورونا وائرس کی وجہ سے ایک شخص ہلاک ہو گیا، یہ شخص اوڑی کے داورن بنیار علاقے کا رہنے والا تھا۔
51 سالہ اس شخص نے آج ہسپتال میں دم توڑ دیا۔ جس کے بعد قانونی کارروائی پوری کرنے کے بعد ہسپتال انتظامیہ کی جانب سے اہل خانہ کو ساتھ لے کر اسے دفنایا گیا۔
اس کے ساتھ ہی جموں وکشمیر میں کورونا وائرس کی وجہ سے ہلاکتوں کی تعداد 183 ہوگئی ہے۔
اسکمس سورہ کے میڈیکل سپرنٹنڈنٹ پروفیسر فاروق جان نے بتایا کہ دوارن بونیار اوڑی سے تعلق رکھنے والا 51 سالہ شخص کا کووڈ-19 کی وجہ سے انتقال ہوگیا'۔
انہوں نے کہا 'اس شخص کو ریمیٹک ہارٹ کی بیماری تھی، یہ بیماری کنجیوٹو کارڈیئک کی ناکامی اور سانس کی نالی کے انفیکشن سے منسلک ہے'۔
جموں و کشمیر میں کووڈ-19 سے اب تک 10 ہزار 513 افراد متاثر ہو چکے ہیں جبکہ 5 ہزار 979 افراد اس مہلک وبا سے صحتیاب ہو گئے ہیں۔
وہیں اگر ان لوگوں کی بات کریں جو ہسپتال میں قرنطینہ میں رکھے گئے ہیں، ان لوگوں کی تعداد 31 ہے۔
اس کے علاوہ ہسپتالوں کے آئیسولیشن میں 4 ہزار 355 افراد کو رکھا گیا ہے۔
