بارہمولہ: شمالی کشمیر کے ضلع بارہمولہ کے بونیار تحصیل ہیڈ کوارٹر سے 13 کلو میٹر کی دوری پر واقع بگنا گاؤں جہاں آج بھی پینے کے پانی Lacks of Drinking Water کی عدم فراہمی کی وجہ سے لوگ پریشان ہیں۔ بگنا گاؤں میں پانی کے حوض تو ہے لیکن وہ پوری طرح خستہ حالی کے شکار ہیں اور پائپ لائن بھی زنگ آلود ہوکر ٹوٹ چکی ہے۔ مقامی شخص عبدالمجید نے کہا کہ جب نل میں پانی آتا ہے تو وہ تھوڑا تھوڑا قطرہ قطرہ آتا ہے ہم نالوں میں سے پانی بھر کر گاڑی پر گھر لاتے ہیں یا کبھی محکمے والوں سے پانی کا ٹینکر منگواتے ہیں ہمارے علاقے میں پانی کی شدید قلت ہے۔
مقامی لوگوں نے بتایا کہ پانی کا ایگریمنٹ بھی کیا ہوا ہے اور ہم پانی کی فیس ٹائم پر جمع کرتے ہیں۔ ان کی پریشانی اس وقت بڑھ جاتی ہے جب متعلقہ حکام اس مسئلے کو حل کرنے میں کوئی توجہ نہیں دیتے ہیں خواتین ندیوں اور چشموں سے پانی لانے پر مجبور ہیں جو میلوں دور ہے۔
مقامی لوگوں کے مطابق انہوں نے پی ایچ ای محکمہ سے بار بار شکایت کی کہ انہیں پانی فراہم نہیں کیا جارہا ہے، اس کے باوجود بھی مسئلہ حل نہیں کیا گیا، گاؤں کے لوگ پانی کی فیس بھی وقت پر ادا کرتے ہیں اس کے باوجود انہیں پانی نہیں ملتا۔ بگنا گاؤں کے لوگوں کا کہنا ہے کہ جب محکمہ کی جانب سے ہماری کوئی مدد نہیں کی گئی تو ہم گاؤں والوں نے پیسہ جمع کر کے پلاسٹک کے پائپ لگوائے۔وہیں جب نمائندہ ای ٹی وی بھارت نے محکمہ کے اعلی عہددار شبیر احمد سے اس سلسلے میں بات کی تو انہوں نے یقین دہانی کرائی کہ جہاں جہاں پانی کا مسئلہ ہے وہ جلد ہی حل ہوجائے گا۔
مزید پڑھیں: Protest Againest r&b: اوڑی میں محکمہ آر اینڈ بی کے خلاف زبردست احتجاج
