سوپور: برفباری کے بعد ڈرینج سسٹم ناکارہ

برف باری کی وجہ سے سڑکوں پر پانی جمع ہونے سے مقامی لوگ پریشان ہیں۔

شمالی کشمیر کے ضلع بارہمولہ کے سوپور قصبہ میں جگہ جگہ پر پانی جمع ہونے سے عوام کافی پریشان ہیں۔ مقامی لوگوں نے انتظامیہ اور بالحصوص محکمہ آر اینڈ بی پر الزام عائد کیا کہ وہ سوپور میں ڈرینیج سسٹم کو درست کرنے میں بلکل ناکام رہے ہیں۔

لوگوں کا کہنا ہے کہ جب بھی کھبی معمولی پارش ہوتی ہے یا کافی بارش ہوئی ہے تو سوپور کی ہر رابطہ سڑک جھیل کا منظر پیش کرتی ہے۔ مقامی لوگوں کا کہنا ہے کہ ہم نے کافی بار محکمہ آر اینڈ بی اور ضلع انتظامیہ سے گزارش کی کہ وہ سوپور میں ڈرینیج سسٹم کا نظام بہتر کرے لیکن آج تک ہماری کسی نے نہیں سنی اور ہمیں صرف جھوٹے وعدوں کے بعد واپس بھیج دیا جاتا ہے۔ لوگوں کا کہنا ہے کہ سڑک پر پانی جمع ہونے سے عوام کو باہر نکلنے میں کافی دشواریوں کا سامنا کرنا پڑتا ہے اور اس سے حادثہ ہونے کا بھی اندیشہ رہتا ہے۔ مقامی لوگوں نے ایل جی گورنر انتظامیہ سے گزارش کرتے ہوئے کہا کہ وہ سوپور کی طرف توجہ دیں تاکہ سوپور کے باشندوں کو مزید مشکلات کا سامنا نہ کرنا پڑے۔