اوڑی میں ناقص ڈرینیج نظام سے عوام پریشان

مقامی لوگوں کا کہنا ہے کہ میونسپل حکام کی جانب سے ڈرینوں کی صفائی نہیں کرائی جاتی ہے جس کی وجہ سے بیشتر مقامات پر نالیاں بند ہوگئی ہیں، اور پھر معمولی بارش یا برف باری کے بعد سڑکوں پر پانی جمع ہو جاتا ہے۔

جموں و کشمیر کے ضلع بارہمولہ کے سرحدی قصبہ اوڑی میں پچھلے دو سالوں سے ڈرینیج نظام ناقص ہونے کی وجہ سے مقامی لوگوں کو کافی پریشانیوں کا سامنا کرنا پڑ رہا ہے۔
ضلع بارہمولہ کے قصبہ اوڑی میں پچھلے دو سالوں سے ڈرینیج نظام بہتر نہ ہونے کی وجہ سے مقامی لوگوں نے متعلقہ حکام سے ڈرینیج نظام کو بہتر کرنے کی اپیل کی ہے۔

مقامی لوگوں کا کہنا ہے کہ میونسپل حکام کی جانب سے ڈرینوں کی صفائی نہیں کرائی جاتی ہے جس کی وجہ سے بیشتر مقامات پر نالیاں بند ہوگئی ہیں، اور پھر معمولی بارش یا برف باری کے بعد سڑکوں پر پانی جمع ہو جاتا ہے، جس کی وجہ سے عوام کو کافی پریشانی ہوتی ہے۔مقامی لوگوں کے مطابق نالیوں کی بر وقت صفائی نہ ہونے سے بدبو پھیلنے لگتی ہے، جس کی وجہ سے مختلف قسم کی خطرناک بیماریاں کے پھوٹنے کا بھی خدشہ رہتا ہے۔ لوگوں کی یہ بھی شکایت ہے کہ متعدد مقامات پر نالیوں کے لیے بنائے گئے مین ہول پر ڈھکن بھی نہیں ہے، جس سے حادثہ ہونے کا خدشہ بھی ہے۔