شمالی کشمیر کے ضلع بارہمولہ کے تحصیل ہیڈکواٹر سوپور کے گرلز ہائیر سیکنڈری اسکول میں آج ضلع انتظامیہ کی جانب سے تقریباً 60 طالبات کے کورونا کے ٹیسٹ کے لیے سیمپل لیا گیا۔
سوپور: کورونا کی جانچ کے لیے طالبات کا سمپل لیا گیا
واضح رہے کہ چند روز قبل اسکول کے چار اساتذہ کی کورونا رپورٹ مثبت آئی تھی۔ اس کے بعد انتظامیہ کی طرف سے اسکول کو ایک ہفتہ کے لیے بند کردیا گیا تھا۔
کورونا ٹیسٹ کے لیے اپنا سیمپل دینے والی طالبات نے ای ٹی وی بھارت کو بتایا کہ ’’ انتظامیہ کی جانب سے کورونا کا سیمپل لینے کا فیصلہ قابل ستائش ہے۔ کیونکہ اگر ہم میں سے کسی کی بھی رپورٹ مثبت آتی ہے تو ہم اپنے آپ کو قرنطینہ کرسکیں گے۔
انھوں نے کورونا وائرس کے انفیکشن کو پھیلنے سے روکنے کے لیے عوام سے احتیاطی تدابیر پر عمل کرنے کی بھی اپیل کی ہے۔
