اوڑی سیکٹر میں شدید گولہ باری

کچھ روز قبل اسی علاقہ میں ایک ہی گھر کے سات افراد گولہ باری کی زد میں آگئے تھے جو ابھی بھی ہسپتالوں میں زندگی کی جنگ لڑ رہے ہیں۔

بارہمولہ کے سرحدی قصبہ اوڑی میں پاکستانی افواج نے مبینہ طور پر پھر ایک مرتبہ اوڑی کے حاجی پیر سیکٹر میں بلاجواز گولہ باری کی۔

گولہ باری کی وجہ سے سرحدی علاقوں میں دہشت کا ماحول بنا ہوا ہے۔

پاکستانی افواج نے چھوٹے اور درمیانہ درجے کے ہتھیاروں سمیت مارٹر شیلنگ بھی کی جس کا بھارتی افواج بھی جواب دے رہی تھی۔

اوڑی سیکٹر میں شدید گولہ باری

گولہ باری کی وجہ سے سرحدی علاقوں میں خوف و دہشت کا ماحول ہے اور لوگ اپنے گھروں میں سہم کے رہ گئے ہیں۔ سرحد کے قریب چرونڈا گاؤں کے سر پنچ لال حسین کھولی نے 'فون پر بتایا کہ آج صبح قریب چار بجے سے پاکستان کی طرف سے گولہ باری شروع ہوئی جس کے بعد چرونڈا گاؤں میں خوف کا ماحول بن گیا۔'

اوڑی سیکٹر میں شدید گولہ باری

ان کا مزید کہنا تھا کہ 'کچھ روز قبل اسی گاؤں کے اندر ایک ہی گھر کے سات افراد گولہ باری کی زد میں آگئے تھے جو ابھی بھی ہسپتالوں میں زندگی کی جنگ لڑ رہے ہیں۔ لال حسین کھولی نے کہا کہ گولہ باری سے کئی لوگوں کے رہائشی مکان بھی تباہ ہوئے تھے۔کھولی نے دونوں ملکوں کی حکومتوں سے اپیل کی ہے کہ اس گولہ باری کو بند کریں تاکہ اور جانی نقصان نہ ہو۔