شمالی کشمیر کے ضلع بارہمولہ کے رفیع آباد کے ڈنگی وچھ علاقہ میں فلم کریئر کونسلنگ ورکشاپ منعقد کی گئی۔ اس میں اسکولی بچوں فلمی دنیا میں کریئر بنانے پر بات چیت کی گئی۔ پروگرام میں ایوارڈ یافتہ ایک فلم 'کچھ بھیگے الفاظ' کی اسکریننگ کی گئی۔
اس دوران آر پی ایس اسکول کے بچوں نے فلم کے تعلق سے ڈائریکٹر کے ساتھ گفتگو کی۔ ہدایت کار اونیر نے میڈیا سے بتایا کہ 'ہم خوشی محصوص کر رہے ہیں کہ ہمارے رفیع آباد میں ہمیں بولنے کا موقع ملا'۔ انہوں نے کہا کہ اس طرح کے پروگرام آگے بھی ہونے چاہئے تاکہ جو ہنر یہاں موجود ہے اس میں نکھار پیدا ہو۔
یہ بھی پڑھیں: پلوامہ میں بھی مہاشیوراتری کا تہوار منایا گیا
انہوں نے مزید بتایا کہ کشمیر کے اندر ہنر کی کوئی کمی نہیں، اگر کمی ہے تو صرف پلیٹ فارم کی۔ انہوں نے کہا کہ وہ کشمیر کے طلبا کے لیے اچھا پلیٹ فارم تیار کرنے میں مدد کریں گے۔
