شمالی کشمیر کے ضلع بارہمولہ کے سوپور قصبہ کے تارزو علاقے میں گزشتہ روز سے بارشوں کی وجہ سے نالہ خرسی (khursi) میں پانی کے تیز بہاؤ کی وجہ سے مقامی لوگوں کے باغات کو کافی نقصان ہوا ہے۔
لوگوں نے محکمہ فلڈ کنٹرول اینڈ اریگیشن پر الزام عائد کیا کہ ان سے کافی بار گزارش کی گئی تھی کہ وہ اس نالہ کی صاف صفائی کرے لیکن انہوں نے نہیں سنی۔ جس کی وجہ سے آج لوگوں کو کافی مشکلات کا سامنا کرنا پڑتا ہے۔
لوگوں نے مزید بتایا کہ جب بھی باری بارش ہوتی ہے تب عوام کو نقصان ہوتا ہے کیونکہ اس نالہ میں پانی کا کافی تیز بہاؤ ہوتا ہے۔
لوگوں نے حکومت اور ضلع انتظامیہ سے گزارش کی ہے کہ اس نالہ کی صاف صفائی کی جائے تاکہ ان کو مزید مشکلات سے دو چار نہ ہونا پڑے۔
اس ضمن میں ای ٹی وی بھارت نے محکمہ فلڈ کنٹرول اینڈ اریگیشن کے سپرانٹنڈنٹ انجینئر سے رابطہ کرنے کی کوشش کی لیکن پتہ چلا کی اس کا تبادلہ آج سے دس مہینے پہلے ہوا ہے اور وہاں پر بات کرنے کے لئے کوئی بھی شخص موجود نہیں تھا۔
